Колку Никола Груевски и ВМРО-ДПМНЕ не го почитуваат својот народ, покажува нивната дрскост фалсификуваната волја на граѓаните да ја наречат доверба, велат од СДСМ.
Последната победа на ВМРО-ДПМНЕ е триумф на притисоците, заканите, уцените врз граѓаните од страна на партизираните институции на системот.
Да сакал да научи нешто Никола Груевски, дури и од своите претходници во партијата, ако не од критичарите, Македонија сега ќе беше демократија а не хибриден режим, институциите и граѓаните ќе беа слободни а не заложници, земјата ќе напредуваше а немаше да тоне до ниво на невидена сиромаштија и финансиски колапс.
Раководството на ВМРО-ДПМНЕ на чело со Груевски работи посветено само на своите милиони и оф шор фирми, врз грбот на два милиона граѓани.
Вистината е дека Никола Груевски не ја црпе силата од граѓаните, туку ја практикува врз нив.
За ваква Македонија сигурно не се бореле основачите на историското ВМРО.