Социјалдемократскиот Сојуз би бил најсреќен ако Никола Груевски и ВМРО-ДПМНЕ приближно се доближат до резултатите што Заев ги има постигнато на ниво на Општина Струмица. Не би сакале да се замараме со луѓе кои што очигледно не можат да го испорачаат она што им го имаат ветено на граѓаните, а нивните достигнувања се повеќе од очајни во период од 7 години.
Вака реагира СДСМ на неколкудневните напади на претседателот на партијата и градоначалник на Струмица, Зоран Заев, а во врска со холандската инвестиција во општината.
-ВМРО-ДПМНЕ очигледно се обидува со т.н. спинови да ја дефокусира јавноста од клучните проблеми во државава. Пак ќе повторам, достигнувањата на Општина Струмица под водство на Претседателот Заев се повеќе од јасни и евидентни. Дајте ни било кој друг пример на општина во Р.М кој има кредитен рејтинг. Единствено Општина Струмица има кредитен рејтинг. За што впрочем разговараме, рече портпаролот на СДСМ, Петре Шилегов.