„Македонија достигна историски највисок јавен долг од 41 процент од БДП за време на владеењето на Никола Груевски.
Да имаше реални странски инвестиции и реални капитални инвестиции, економскиот раст во Македонија немаше да биде преживувачки, нецели, 2 процента.
Граѓаните немаше да земаат плати и пензии од кредити, со камата од 100 милиони евра, што не ќе можат да ги вратат ни децата на нашите деца.
Земјава немаше да биде на дното на ранг листата на Западен Балкан по просечни плати. Граѓаните на Македонија немаше да земаат дури три пати пониска плата од Словенците, според официјални извештаи на меѓународни организации.
Да е реално намалена невработеноста, граѓаните нема да се соочуваа со незапаметена сиромаштија досега, од независна Македонија.
450 илјади луѓе се заминати од државата.
Над 250 илјади млади луѓе.
За само три години над 600 лекари заминале во странство, според официјални институциии.
Се пакува секој кој ќе најде и најмала можност за тоа.
Додека бизнисите на фамилијата на Груевски и тесната група на власт вртат милиони, граѓаните на Македонија го вртат 9-от круг на безизлез, далеку од ЕУ и НАТО и далеку од светот.
Тоа се успесите на Никола Груевски, кој во денешното обраќање, како никогаш досега едвај ги изговараше себе пофалбите. Зашто веќе ни тој не верува во нив“, се вели во писмената реакција на СДСМ на обраќањето на Никола Груевски.