СДСМ: Децениското игнорирање на аерозагадувањето од страна на ВМРО-ДПМНЕ создаде огромен проблем

Од:

„Лицемерето на ВМРО-ДПМНЕ, партијата симбол за расипништво, криминал и корупција, нема граници.

Цели 11 години ВМРО-ДПМНЕ го игнорираше проблемот со загадувањето на воздухот додека парите на граѓаните ги трошешe на луксуз, лажен барок, скапи возила и криминални тендери преку кои се уништуваше зеленилото и се загрозуваше животната средина.

Владата предводена од СДСМ, наследи огромни проблеми со аерозагадувањето, но презема низа стратешки мерки со кои системски се решава овој проблем.

Во координација со Министерство за животна средина, Град Скопје, општините и надлежните институции, усвоен е План за чист воздух со кој системски на краток, среден и долг рок се решава загадувањето.

За овој план, покрај редовните средства, одвоени се и дополнителни 1.5 милиони евра.

За разлика од игнорантскиот однос на ВМРО-ДПМНЕ, Планот за чист воздух овозможува 10 илјади домаќинства да бидат приклучени на парно греење, 20 илјади домаќинства ќе ги променат старите нееколошки печки на дрва, 15 илјади семејства имаат шанса да ја подобрат енергетската ефикасност на домовите, 3.000 семејства ќе добијат приклучок за гас.

Се интензивираат инспекциските надзори и контроли, се санираат и расчистуваат дивите депонии.

Истовремено, со субвенционирање на набавка на еколошки автомобили и субвенционирање на трошоците за вградување уред на погон на ТНГ во возилата, ќе се пристапи кон намалување на загадувањето од сообраќајот.

Со сите мерки кои се спроведуваат сега и во иднина се очекува во наредниот период, загадувањето двојно да се намали.

Решавањето на проблемот со аерозагадувањето е и останува врвен стратешки приоритет за Владата предводена од СДСМ“, се вели во реакцијата на СДСМ на соопштението на ВМРО-ДПМНЕ.

Би можело да ве интересира

ВМРО-ДПМНЕ бара одговорност од Обвинителството за пуштањето на осомничениот за нападот врз Сара

СДСМ: Партиските редови денес се почисти, а ЗНАМ се фали со своите нови платеници

А1он

СДСМ: Според ММФ, Македонија е меѓу последните европски економии според БДП по жител

Горан Наумовски

(ВИДЕО) Филипче: Македонија на дното, 41 место во Европа – ММФ ги разби бајките на Мицкоски за трета економија

Горан Наумовски

ВМРО-ДПМНЕ: СДС е спотер, а сватот на Али Ахмети акционер

(ВИДЕО) Поповиќ: Мицкоски е во паника за Алта банка – по моделот на Вучиќ сака да ја замолчи опозицијата