„Трајко Вељаноски најмалку што може да направи е да се срами да и се обрати на опозицијата и да бара од неа да се врати во Парламентот.
Трајко Вељаноски по команда на Гордана Јанкулоска, на 24 декември 2012 година, прекршувајќи Устав, закон и Деловник исфрли пратеници и новинари од Собранието.
Вељаноски по директива на Никола Груевски, по изборите годинава, насилно верификуваше мандати на опозициските пратеници, повторно кршејќи Устав и закони.
Дали тој Трајко Вељаноски кој е маша во насилното владеење на Груевски, сега се претставува душегрижник за евроинтеграциите на државата?
8-годишното недемократско владеење на Никола Груевски нанесе непоправливи штети на угледот на Република Македонија и на евроинтеграциите на земјава.
Ставот на СДСМ е јасен. Нема враќање во Парламентот.
Ако власта на Никола Груевски навистина и мисли добро на државата, нека прифати формирање техничка влада којашто ќе спроведе слободни и фер избори“, се вели во реакцијата на СДСМ на соопштението на Трајко Вељаноски.