„Дозволете да го изразам нашето несогласување со практицирање на демократијата во Р. Македонија. Поновата историја не памети подвојување на македонското и општественото ткиво, како што денес се обидува да го направи актуелната власт, предводена од ВМРО-ДПМНЕ и нивниот претседател Никола Груевски.
– Овој протестен собир е собир за национално единство и мултикултурна Македонија. Но не со онаа декларативност, содржана во додавката на владејачката партија. Вечерва до мене и околу мене, има голем број на студенти и професори, кои енергично се противат на силата и насилството.
– Низ историјата на светската цивилизација, студентите и професорите преставуваа вистинскиот нуклеус во развојот на светското општеството, посебно во новото време. Денес интелегенцијата е уплашена, замолчена и маргинализирана.
– Универзитетот масовно се партизира, студентските организации се корумпираат, се со цел, неутрализираат во битката за прогрес на македонското општество. Од денешна перспектива, не е важно дали и како си живеел во “темното минато”, како што често се обидува да го прикаже ВМРО ДПМНЕ, туку како народот умира во сегашната Преродба на Никола Груевски.
– На крајот да потсетам на битката за единство и независност на големиот водач, на уште поголемата економска, демографска и светски респектираната ИНДИЈА, Махатма Ганди кој вели: „Без сила и насилство до вистинско единство и самостојност!”
– Тоа е денес СДСМ и Сојузот за иднината, тоа е овој протестен собир“, изјави на денешниот собир во Битола, Проф.д-р Томе Наумов, член на ИО СДСМ Битола.