„Данела Арсовска го промени работното место, од градоначалничка станува портпаролка на ВМРО-ДПМНЕ. Токму затоа својата енергија ја насочи кон вработување на партиски кадри, за што од Буџетот на Градот се издвоени 670.000 евра“, се вели во реакцијата на СДСМ на соопштението на Град Скопје.
„Од друга страна се жали дека нема пари во градската каса за помош на скопјани среде глобална енергетска криза, нема пари ни за ЈСП и нејзиниот најавен бесплатен градски превоз, а камо ли за почист воздух.
Арсовска не ја интересираат проблемите со парното греење и бара од владата, која постојано ја критикува да им помогне на скопјани.
Данела Арсовска освен што се жали и се прогласува ненадлежна ништо друго не работи.
За неколку месеци од изборот таа заборави дека граѓаните ја гласаа за да им помогне, а не да си бара изговори за својата неспособност“, се додава во реакцијата на СДСМ.