„Антонио Милошоски покажа дека нема никакво чувство за државност. На 2-ри август, денот на националната борба за слобода, ден на обединување, со лаги и измислици се впушти во навреди кон опозицијата. Најнеуспешниот министер за надворешни работи во историјата на Република Македонија и денес останува да биде само партиски послушник, единствената работа која некогаш ја работел.
На секоја ваква изјава на Милошоски и неговите сопартијци, се радува токму грчкиот премиер Самарас.Изјавите на власта дека барањата на граѓаните и опозицијата за демократија и подобар живот не се аргументирани, со радост се дочекани од сите што не сакаат напредок за Република Македонија.
ВМРО-ДПМНЕ е деветта година на власт, а Македонија е блокирана во евро-атлантските интеграции. Во времето на СДСМ, Македонија стана кандидат за членство во ЕУ, ги финишира реформите за влез во НАТО и беше почитуван член на меѓународната заедница“, се вели во писмената реакција на СДСМ, на интерјуто на Антонио Милошоски дадено за порталот Прес24.