Савевски: Да се почитуваат работничките права

Од:

Носителот на листата на кандидати за пратеници од партијата Левица, Здравко Савевски денеска на средба со битолчани порача да се почитуваат работничките права и да се обезбеди достоинствена работа за квалитетен живот.

Според него, проблемот со невработеноста останува главен државен проблем.

– Проблемот со невработеноста може да се решава на повеќе начини. Во приватниот сектор има голема преангажираност на работниците, односно се случува еден работник да работи за двајца и ако се почитува основното правило еден работник на едно работно место, тогаш во приватниот сектор ќе може да се отворат нови работни места, рече Савевски.

Тој најави и дека Левица по изборите ќе ја избрише вештачката граница меѓу активните и пасивните баратели на работа, ќе го спречи бришењето на невработени лица од евиденција за да се знае колкав е бројот на невработени лица и за нив да се овозможи остварување на правата од статусот невработено лице.

Би можело да ве интересира

Левица отсекогаш била партија на народот, каузата на Левица е борба до конечна победа, истакна Ацков

Маринковски: Бранителите ќе бидат ослободени од комунални давачки

Апасиев: Левица се факторизира како втора партија во државата

Левица поднесе претставка за Комисијата за спречување и заштита од дискриминација поради забраната за рекламирање

Мојсоска: Како Мерко во мандатот на Мицкоски отвори приватна градинка на контроверзниот универзитет?

СДСМ нема никаква соработка со ДУИ и Левица, тоа се само празни, неиздржани обвинувања, вели Филипче