И другите министри да го следат примерот на Зоран Ставрески и да си поднесат оставки, порача Здравко Савески од Левица. Според него треба да се спроведат сите услови за фер избори и повторно да се отвори Изборниот законик.
– Благодарност до сите граѓани што ни дадоа поддршка за време на куќниот притвор. Без нив ќе ни беше многу потешко да издржиме. Не чека уште судење на 5 јуни и ни се заканува казна затвор. Сакам да му изразиме благодарност и на Зоран Ставрески што ни го разубави денот и си поднесе оставка штом излеговме од куќен притвор. Како „Левица“ бараме неговиот пример да го следат и другите министри и да создадат пат за преодна експертска влада која ке создаде услови за фер и демократски избори. Бараме да се спроведат сите услови за фер избори вклучително и повторно отворање на Изборниот законик, бидејќи таму промените што настанаа минатата година беа половични, изјави Савески.
– Груевски се надева дека летото ќе ги спречи граѓаните да протестираат, но револтот е голем кога народот ќе почне да гази напред, не може да биде сопрен. Ако се надеваат на летото, после тоа ќе дојде есента, а ним деновите им се избројани, рече Савески