Триесети пет годишниот охриѓанец Сашо Стефановски е новата надеж на ВМРО-ДПМНЕ да ги поправи работите во општина Центар.
Стоматологот по професија, направи вртоглава политичка кариера во ВМРО-ДПМНЕ. Од партискиот подмладок, се опроба како државен секретар во министерствата за локална самоуправа и одбрана и сега е се уште актуелен директор на Фондот за здравствено осигурување на Македонија.
Сашо Стефаноски, е избран за нов претседател на ОК Центар на ВМРО – ДПМНЕ. Што не и оди на партијата во Центар, па за четири години смени четврорица претседатели?
Томи Лазаревски, координаторот на советничката група на ВМРО-ДПМНЕ во Центар, на позицијата претседател на Општинскиот комитет го замени директорката на Детска клиника Аспасија Софијанова, за набрзо таа функција да ја врши и советникот Илија Иљовски.
Во 2013 година ВМРО-ДПМНЕ ги загуби изборите од коалицијата предводена од СДСМ, градоначалник по три круга стана Андреј Жерновски и мнозинство во Советот СДСМ. Катастрофално лош резултат во Центар, ВМРО-ДПМНЕ имаше и на последните предвремени парламентаарни избори.
И сега свртеа многу имиња, и многу личности ставија на анкета за да видат со кого најдобро би поминале на локалните избори . Но според сите анкети и личности, актуелниот градоачалник Жерновски води со неколку кратна разлика.