При сообраќајни контроли во текот на вчерашниот ден на територијата на град Скопје изречени се вкупно 402 мерки, од кои 49 за возење без возачка дозвола, информираат од Министерството за внатрешни работи.
Санкционирани се и 47 технички неисправни и нерегистрирани возила, пет за управување под дејство на алкохол, како и 33 пешаци, а изречени се и 70 мерки за непрописно паркирани возила и 29 санкции за неносење заштитна маска.
Од МВР информираат дека засилените сообраќајни контроли продолжуваат и во наредните денови и апелираат граѓаните да ги почитуваат сообраќајните правила и прописи со цел поголема безбедноста во сообраќајот.