Санкционирани се 33 мотоциклисти на подрачјето на Штип во акциска контрола спроведена синоќа, од 20.00 до 02.00 часот.
За време на контролата за прекршоци кои ги прават возачи на мотоцикли во сообраќајот биле констатирани 47 прекршоци од кои 33 по акциската контрола и сите биле соодветно санкционирани.
-При контролата биле санкционирани 22 мотоциклисти поради некористење заштитен шлем – кацига, двајца возачи поради управување возило без возачка дозвола, а поради измината важност на регистрацијата одземени се девет мотоцикли, по чл.344 од ЗБСП. За време на контролата откриени и законски санкционирани се 14 останати прекршоци, информираат од МВР.