Сања Лукаревска е новата заменик-претседателка на СДСМ

Од:

Сања Лукаревска е новата заменик-претседателка на СДСМ, беше одлучено на денешниот 26. конгрес на партијата.

Таа беше изгласана со 682 гласа „за“ и два „против“ на предлогот што го даде партискиот лидер Зоран Заев. Тој ја избра Лукаревска за негова заменичка по повлекувањето на Радмила Шекеринска од оваа позиција.

Лукаревска е директорка на Управата за јавни приходи, а на последните парламентарни избори беше носителка на изборната листа на СДСМ во Изборната единица број 2 заедно со Оливер Спасовски.

Лукаревска е роденa 1982 година во Скопје. Дипломирала на Правниот факултет при Универзитетот „Св. Кирил и Методиј“, а речиси целата професионална кариера ѝ е во Управата за јавни приходи како помлад инспектор во Регионалната дирекција – Скопје, извесен период работи во Министерството за финансии, а потоа се враќа во УЈП како асистент за извршување во одделението за наплата на долгови во Дирекција за големи даночни обврзници.

Во 2017 година е именувана од Владата за вршител на должност директор на Управата за јавни приходи, а во 2018 и официјално е директор.

Би можело да ве интересира

Филипче: Потребна е промена на организациската поставеност за поголемо вклучување на членовите

Предраг Петровиќ

СДСМ: ДПМНЕ го излажа народот, Митева и 77-те послушници на Мицкоски имаа можност да зборуваат ама молчеа

Предраг Петровиќ

(ВИДЕО) Конгресот на СДСМ ќе продолжи откако општинските организации ќе се произнесат за Извештајот за претседателските и парламентарните избори

СДСМ го одржува 29. Конгрес – Ковачевски вели: Очекувам партијата да излезе посилна и пообединета

Горан Наумовски

СДСМ на отчетен Конгрес ќе ги анализира изборните резултати

(ВИДЕО) Филипче: Недостасува јавна и експертска дебата, има нејасни сегменти за поделба на министерствата