Дефект на цевка ф 150, ниска зона на раскрсница на булевар „Јане Сандански“ со улицата „23 Октомври“, бил отстранет синоќа од екипите на ЈП Водовод и канализација, кои работеле на негова санација во текот на ноќта од 22 часот до 5 часот, изутрина.
„И покрај тоа што за дефектот бевме информирани по 20 часот, нашите екипи веднаш излегоа на терен. Се работеше цела ноќ со цел да се избегне сообраќаен метеж и да не дојде до застој со водоснабдувањето“, велат од ЈП Водовод и канализација – Скопје.