Случајот со 20 годишната Стефани која вчера утрото беше најдена мртва пред зградата во скопската населба Аеродром во која живеела се повеќе се заплеткува. Според сведочењата на мајката, Стефани и се пожалила дека таксистот кој утрото ја носел дома ја силувал, по што решила да си го одзеде животот. Од МВР пак, велат дека таму никој не пријавил силување.
Од Министерството за внатрешни работи за А1он велат дека телото на девојката е на обдукција и до овој момент немаат никакви детали, па не можат да кажат дали девојката била силувана или не.
Според нив, единствена пријава која стигнала до нив е за нарушување на јавен ред и мир, односно таксистот кој ја носел девојката дома пријавил дека бил физички нападнат од страна на 39 годишниот А.З. кој неофицијално е близок пријател на мајката на девојката.
Од МВР информираат дека таксистот бил удиран со клоци по главата и телото од кои имал видливи повреди, по што е констатиран прекршок против јавниот ред и мир.
