Самостојниот и најголем здравствен синдикат најави дека ќе протестира на 24 септември поради големото незадоволство од „плаќањето по учинок“, но протестот ќе го одржат во кругот на здравствените установи, само за време на паузата.
„Ние реагиравме на одредени неправилности уште кога мерката беше пилот-проект во неколку здравствени институции. Мерката на извесен начин ни внесе и одредени турбуленции во синдикалното работење“, изјави Љубиша Каранфиловски, претседателот на Синдикатот.
Претходно штрајк за 24 септември го закажа синдикатот на Клинички центар во Скопје кои најавија дека на Клиниката ќе примаат само итни случаи. Контра нив, за штрајкот се огласи и трета новоформирана синдикална органзиација „Мајка Тереза“ кои најавија дека ќе останат на работните места и ќе преговараат на мирен начин.