Поранешниот пратеник Сали Рамадани ја објави својата кандидатура за градоначалник на Кичево, пишува Плусинфо.
Најави дека ќе се кандидира како независен кандидат и апелираше до граѓаните да се заложат да се соберат неопходните потписи за да се обезбеди номинацијата.
Сакам да се врати победата во Кичево после 69 години и оваа општина да биде обединета – изјави Рамадани.
Поранешниот пратеник Сали Рамадани стана познат во македонска јавност кога пред десетина години на собраниската говорница се појави наметнат со албанското знаме и прозборе на својот мајчин јазик.
Тогаш бурно реагираа пратениците од македонскиот политички блок, на што Рамадани на македонски јазик им се обрати, па им порача „Не се нервирајте и знајте дека не е далеку денот кога од оваа говорница ќе се говори и на Албански“.
