Сакале да минат граница со менувана лична карта, пасош што му фалат страници, фалс зелен картон

Од:

Во текот на изминатиот ден тројца патници кои сакале да ја минат македонската граница се приведени бидејќи имале несоодветни документи.

Во едниот случај државјанин на Албанија приложил пасош на кој било откриено дека недостасуваат страници. Во вториот случај 33-годишник од Косово сакал да мине со лична карта за која граничните служби утврдиле дека е преправена. Во третиот случај камионџија од Турција сакал да помине со фалсификуван зелен картон. Сите тројца се задржани во приведени за понатамошна постапка.

Во полицискиот билтен објавени детали за овие три случаи

На 20.2.2024 во 18 часот на Граничниот премин Табановце, полициски службеници го привеле Т.Ј.(30) од Р.Албанија поради тоа што при извршена пасошка контрола било констатирано дека во неговата патна исправа недостигаат страници. Тој бил предаден на полициски службеници од СВР Куманово за понатамошна постапка.

21.2.2024 во 1.30 часот на Граничниот премин Долно Блаце, полициски службеници го привеле У.Г.(33) од Косово поради тоа што при извршена пасошка контрола било констатирано дека истиот приложил оштетена лична карта на која се вршени преправки. Тој бил предаден на полициски службеници од отсекот за прекуграничен криминал и миграции Скопје за понатамошна постапка.

На 20.2.2024 во 23.30 часот на Граничниот премин Деве Баир, полициски службеници го лишиле од слобода Г.М.Е.(51) од Р.Турција поради тоа што при извршена пасошка контрола и проверки било констатирано дека меѓународната зелена карта за осигурување на товарно возило била фалсификувана. Тој бил предаден на полициски службеници од Полициската станица Крива Паланка за понатамошна постапка.

 

Би можело да ве интересира

Обвинителството чека извештај за претресите во Идризово, официјална потврда за ископаните тунели се уште нема

МВР: Три кривични пријави за полицаец од Крушево

Тројца приведени за пожарот во Универзална сала

Катерина Ѓуровски

Дали Муареми бил уапсен во Дубаи, па пуштен на слобода – Официјални информации се уште нема

Александар Тодески

Автомобил излета од патот Тетово – Попова Шапка, загина возачот, 80 годишен Австриец

Анита Петровска Рајковиќ

СДСМ: Бруталното апсење на новинарот Салиу потврдува дека нема промена, ДПМНЕ е режимска партија