САД: Северна Македонија направи доволно реформи за да го оправда одржувањето на Меѓувладината конференција

Од:

Пристапниот процес во ЕУ треба да се базира на принципи, а Северна Македонија има направено доволно реформи да го оправда одржувањето на првата Меѓувладина конференција, изјави за Гласот на Америка Метју Палмер, заменик-помошник државен секретар на САД за Европа и Евроазија.

Тој се надева дека ќе се постигне договор првата Меѓувладина конференција со Северна Македонија да се одржи за време германското претседателство. Палмер го повтори официјалниот став на Вашингтон дека билатералниот спор со Бугарија треба да се решава со одвоени разговори, надвор од пристапниот процес.

-Северна Македонија има направено доволно за да се квалификува за Меѓувладината конференција, и мислам дека мнозинството членки на ЕУ се јасни во тоа. Ќе продолжиме да работиме со нашите европски партнери да се исполни тоа. Ќе направиме се`што можеме да го подготвиме теренот, и ќе продолжиме јавно да ја демонстрираме нашата силна поддршка за придвижување на Северна Македонија кон членството во ЕУ, рече Палмер.

На прашањето дали барањата на Бугарија ги одразуваат европските вредности, како и дали САД го осудуваат таквото однесување, Палмер рече:

-Разбираме дека има одредени важни прашања кои се однесуваат на историјата, идентитетот и јазикот, кои треба да бидат решени меѓу Бугарија и Северна Македонија како соседи, сојузници и партнери. Во однос на процесот за пристапување во ЕУ, сакаме да видиме тој да продолжи напред, без да ги вклучува билатералните прашања. Би сакале да видиме билатералните прашања да се решаваат преку билатерални канали, изјави тој.

Цената за влез во ЕУ, како што вели, е јасна и образложена на околу 80 илјади страници со правила и регулативи. -Тоа е процес базиран на стандарди. Сакаме да видиме Северна Македонија да продолжи со реформите кои отворија врата кон Европа. Како што реков, има билатерални проблеми, кои можат и треба да се решат преку билатерален пат. Пристапниот процес кон ЕУ треба да зависи од адресирање на неопходните реформи, кои ќе осигураат Северна Македонија да биде членка на ЕУ, вели Палмер запрашан дали цената за влез во ЕУ треба да биде бришење на историјата.

Според него, за да може да се одржи европската кредибилност во државата, ЕУ треба да покаже оти прогресот во реформите ќе се отслика со отворање на пристапниот процес.

-Во овој момент, следен чекор за Северна Македонија е одржување на Меѓувладината конференција, и тоа е нешто што Северна Македонија јасно го заслужила преку реформи, вели Палмер.

Не сака да прогнозира каков ќе биде резултатот од состанокот следната недела, но, нагласи дека САД ќе останат партнери низ целиот тој процес со Северна Македонија и Албанија.

-Останете посветени на реформите, демонстрирајте сериозност и цел, и продолжете да се движите напред, порача Палмер.

Би можело да ве интересира

Супер среќник доби неверојатни 731 милион долари на лотарија во САД

Мич Меконел предлага Трамп да добие рок од две недели да се подготви за процес за отповикување

Сенатот одобри Лојд Остин да биде на чело на Пентагон

Бајден: Следниот месец веќе ќе имаме половина милион мртви, вакцинирањето досега е „мрачен неуспех“

Жарко Настоски

ОМД бара од Бајден нов американски фокус за економски развој на Балканот и Македонија

Жарко Настоски

Бајден планира да го задржи Кристофер Реј како директор на ФБИ

Жарко Настоски