Руина и смет: спортско-рекреативниот комплекс „Треска“ се распаѓа

Од:

Некогаш едно од најубавите и најпознатите места за одмор во Скопје, спортско-рекреативниот центар „Треска“, е претворен во вистинска руина. Водата тече од сите страни и го поткопува објектот и прашање на време е кога тој комплетно ќе се распадне.

На сите страни смет, езерото е загадено, по некоја коза и крава се пуштени слободно на пасење.

Езерото се наоѓа во општина Сарај и ако често слушавме ветувања и од градот и од општината дека центарот ќе биде повторно функционален, ќе се гради викенд населба, хотелски комплекс или спортско-рекреативен центар за развој на екотуризам, се останува само на ветувања и очекувања.

Само неколку викендаши во камп приколки корона-летово често престојуваа тука. Велат, услови нема и валкано е, но барем сме на воздух и надвор.

Се уште траат дебатите за тоа кому треба да му припадне езерото Треска, на Градот или на Општина Сарај. Целиот спортско-рекреативен комплекс е изграден во далечната 1978 година со самопридонес на жителите на Скопје. Тие издвојувале од своите плати за да се изгради овој рекреативен центар, кој со години беше омилено место за освежување и одмор, пред полека да почне да пропаѓа.

Езерото е затворено за капачи од 1998 година. Главна причина е тоа што водата е загадена и не ги задоволува пропишаните еколошки и санитарни стандарди, ниту потребниот квалитет.

Би можело да ве интересира

МВР ја потврди пљачката на „Езеро Треска“, зачестени кражби, засилени полициските контроли

Маја Илиевска-Пачемска

Нова драма на „Езеро Треска“: Му ја украле приколката, ја нашол оставена на патот за Бојане

Маја Илиевска-Пачемска

ВИДЕО: Пљачка на „Езеро Треска“, ги сечат канделабрите и ги ставаат во комбиња без регистрации

Маја Илиевска-Пачемска

Преку МСИП-проектот проширена и реконструирана општинската зграда во Сарај

Ана Ололовска

Жителите на Сарај ги предаваат старите печки на дрва и нафта

А1он

Делови од општините Кисела Вода и Сарај утре без струја

Жарко Настоски