Ромфеа.гр: МПЦ-ОА доби нов епископ со одлични односи со Цариград, Света Гора и ГПЦ

Од:

Грчкиот православен сајт Ромфеа.гр денеска на насловната страница ја пренесува информацијата за изборот на игуменот на Бигорскиот манастир, архимандрит Партениј, за нов епископ на Македонската православна црква – Охридска архиепископија.

Ромфеа.гр наведува дека отец Партениј бил избран за викарен епископ од Светиот синод на МПЦ-ОА на предлог на митрополитот Дебарско-кичевски, Тимотеј, и дека ќе ја носи титулата епископ „Антаниски“ според античкиот град Антанија кој бил епископско седиште.

Се најавува и хиротонијата на епископот Партениј на 12 јули во храмот Света Софија во Охрид

Ромфеа.гр напоменува и дека новиот епископ и игумен на Бигорскиот манастир бил духовно чедо на упокоениот архимандрит Георгиј Капсанис, поранешниот игуман на светогорскиот манастир Григоријат и оти одржува одлични односи со Света Гора и со архиереите на Вселенската патријаршија и на Грчката православна црква.

Во текстот за отец Партениј се нагласува и, како што се наведува, радосниот пречек што му го приредило монашкото братство во Бигорскиот манастир по неговиот избор за епископ.

Ова е втор афирмативен текст за случувањата во МПЦ-ОА што во изминатите десеттина дена ги објавува овој грчки православен сајт.

Ромфеа. гр неодамна опширно ја пренесе изјавата на митрополитот Преспанско-пелагониски Петар дека Вселенската патријаршија како мајка црква е единствено надлежна за решавање на канонскиот статус на МПЦ-ОА, и оти Цариград веќе го разгледува тоа прашање.

Би можело да ве интересира

Архиепископот г.г. Стефан испрати писмо на сострадалност и поткрепа до вселенскиот патријарх Вартоломеј

Ана Ололовска

Во манастирот Св.Јоаким Осоговски синоќа се одржа наречението за епископ Григориј

Ана Ололовска

Архимандрит Григориј ќе биде хиротонисан за епископ сарандопорски

Ана Ололовска

Во Осоговскиот манастир наречение за новиот епископ сарандопорски Григориј

Ана Ололовска

Архимандрит Григориј викендов ќе биде хиротонисан за нов архиереј на МПЦ-ОА

Ана Ололовска

Отец Партениј хиротонисан за нов епископ на МПЦ-ОА

Ана Ололовска