Двомесечната Надица е оставена на милост и немилост, без родителска грижа. Родителите го оставиле бебето, родено со срцева мана на Детската клиника во Скопје. За бебето се грижат лекарите и медицинските сестри. Несовесните родители оправдување побарале во фактот дека немаат пари за операција на Надица.
Доктор Азпасија Софијанова, директор на Детската клиника во Скопје, вели дека Надица може да се оперира, и дека имале вакви случаи кои се успешни.
И покрај укажувањето на лекарите дека после операцијата бебето ќе биде добро, несовесните родителите не се предомислиле и одлучиле да се откажат од Надица.
Надица може веднаш да замине во Бугарија, каде што може да и биде направена операцијата за подобрување на нејзината состојба, но проблемот се финансиските средства.
Надица веќе не е приклучена на апарати за дишење и е сместена на одделот за детска кардиологија.