Негативни на Ковид -19 се резулатите на родилката од Охрид, која доцна синоќа почина на Клиниката за гинекологија и акушерство во Скопје, исто како и на 66-годишниот маж од Битола кој за време на неговата изолација беше пронајден починат во својот дом, информираат од Министерството за здравство.
Пациентката на возраст од 37 години беше вчера попладне била донесена во Скопје со возило на Брза помош во високо фебрилна состојба и со мртов плод.
Како што информираше Клиниката за гинекологија и акушерство по пристигнување, на пациентката уште веднаш и е направена целосна лабораторија и земен брис за Ковид-19. Лекарите оперативно го извадиле плодот, а од стомакот на мајката е евакуиран гној. Причина за смртта е најверојатно сепса со масивна тромбемболија. Пациентката e пратена на обдукција по што ќе има егзактна дијагноза.
Според извештајот на Клиниката, се работело за екстремно обезна пациентка, со телесна тежина од околу 150 кг, со висок крвен притисок и тахикардија, која во последните 5 месеци воопшто не се движела, а согласно податоците од докторите во Охрид, пациентката не ги извршувала ниту потребните гинеколошки контроли.
Негативни се резултатите на Ковид-19 и кај 66-годишниот маж кој на 30.03 од страна на МВР при извршување на рутинска контола на лице во домашна изолација, беше пронајден починат во својот стан во Битола.
„Брисот беше земен истиот ден од страна на Центарот за јавно здравје во Битола и испратен во Скопје на анализа. Починатиот, по враќање од Англија бил во 14 дневна изолација, а истата требала да заврши на 30 март. Од познати комобирдитети, тој имал дијабет и хипертензија“, информираат од Министерството.