Eдна од клучните надлежности на претседателот на државата на меѓународен план во меѓународните односи е да потикнува директни странски инвестиции во Република Македонија, но и да отвораме простор за носење на приватни инвестициски фондови во Република Македонија кој ќе бидат сериозен извор на капитал за микро и мали претпријатија, но и за крупниот бизнис во Македонија рече Љупчи Ристевски при посетата на Прилеп со претседателскиот кандидат Стевчо Јакимовски.
– Во таа смисла ние ја покренавме таа претседателска инвестициска иницијатива како коалиција „Храбро за Македонија“ и лично како кандидат за претседател господинот Стевчо Јакимовски со цел да направиме простор многу приватни инвестициски фондови да влезат и во делот на тутунопроизводството. Прилеп е земјоделски крај, регионов е сериозен производител на тутун, станува збор за извонредно квалитетен производ кој што во дадениот момент не може да ја постигне цената на пазарот поради силната регулација. Оттука ќе се врши сериозен притисок од страна на Владата за масовна дерегулација особено на слободниот пазар за пласман на тутунот за тутунот да ја добие вистинската пазарна цена. Со овие приватни инвестициски фондови ќе се отвори простор за приватни агро берзи на тутун каде што конкуренцијата ќе си ја покачи цената на тутунот. Тоа ќе биде решение за бројни семејства во овој регион за пласман на тутунот по цена која што ја заслужува. Трудот, потта и маката на земјоделецот треба да биде валоризирана на пазарот, рече Ристовски.