Жители на Чаир и Бутел, се јавија во редакцијата на А1он. Тие велат дека емисари од ВМРО-ДПМНЕ, викендов оделе од врата на врата за да го потврдат наводното членство во партијата. Велат, наводното, бидејќи, тие не биле никогаш членови на ВМРО-ДПМНЕ.
„Бевме шокирани, бидејќи, тие на врата се појавуваат со некакви списоци и информации дека сме нивни партиски членови. Што сакаат, да не плашат? Или присилно да не зачленат“, прашуваат револтираните граѓани.
Во А1он се јавија и административци, кои велат дека нивните претпоставени, по партиска задача, прават списоци на сигурните гласачи, но и на оние кои треба да се „обработуваат“ со уцени за работните места.
На членови на ВМРО-ДПМНЕ им се делат анкетни листови да пополнатдали 8 други членови се уште даваат поддршка на партијата.
Од ВМРО-ДПМНЕ има посети по домови на незадоволни членови на кои им се ветува дека ќе бидат вработени, ако досега не го исполниле ветувањето од минатите избори.