Фросина Ременски смета дека несоодветното третирање на случаите на семејно насилство од страна на надлежните институции, резултираат погубно во многу случаи. Случајот со полицаецот од СВР Куманово кој го загуби животот дополнително ги отвара овие прашања.
– Убиството на полицискиот службеник од СВР Куманово, при интервенција по пријава за семејно насилство ги отвара прашањата за тоа до кај сме и какви треба да бидеме, но за жал по изгубени човечки животи ! Ниту Центрите за социјални работи, ниту МВР соодветно ги третираше пријавите за семејно насилство кои завршуваа и со загубени човечки животи. Додека Центрите за социјални работи мислеа дека семејното насилство (од различни причини) е прашање и за полицијата, а не само за нив, полицијата сметаше дека семејното насилство не е примарна полициска работа. Кога ќе има жртви, тогаш се отвараат дилемите: кој требало да превенира, да пријави, да згрижи, да санкционира, да интервенира … Работите мора да се менуваат на подобро, вака не оди. Штетата е ненадоместлива, пишува Ременски на својот Фејбук профил.