„Голем интерес кај струмичани и покрај врнежливото време предизвика посетата на потпретседателката на СДСМ и министерка за труд и социјална политика Фросина Ременски која беше придружувана од членовите на Централниот одбор на СДСМ, Спасе Глигоров и Сања Лукаревска“, соопштуваат од СДСМ.
Груевски и бандата околу него од Македонија направија приватна компанија. Уништија многу човечки животи, многу семејства. Бизнис секторот го клекнаа на колена. Младите ни ги иселија во странство. Македонија се дави во корупција и криминал. Милионите кои ги украдоа ќе ги вратиме назад кон граѓаните. Секој што учествувал во криминал ќе биде изведен пред лицето на правдата и ќе одговара. Создаваме еднакво општество за сите, што ќе обезбеди одговорна власт, отчетна пред граѓаните, рече Ременски.
„Ни го укинаа социјалното за да можат пред избори пак да не уценуваат да гласаме. Но овој пат нема да им дозволиме да не влечат за уши на гласање, коментираа граѓаните од ромското маало во Струмица.
Потрошија стотици милиони евра на споменици, а ние со 2.000-3.000 денари треба да го преживееме месецот. Па кој го има ова, се пожали еден од граѓаните“, пишува во соопштението на СДСМ.
Само во првите 22 дена од месец Јануари, Фондот за ПИОМ има дефицит од 662 милиони денари. Ова е резултатот на расипничкото и криминално владеење на Груевски и ВМРО-ДПМНЕ, рече Ременски.
Живеењето нормален и достоинствен живот не е привилегија само на членовите на ВМРО-ДПМНЕ. Тоа е загарантирано право на секој граѓанин . Македонија има слаб и сиромашен систем на социјална заштита. Ние тоа го менуваме, додаде Ременски.
„СДСМ ќе ја зголеми социјалната помош. Ги ослободуваме од јавни давачки еднородителските семејства со потпросечни примања. На лицата постари од 65 години на кои им недостасуваат до 5 години работен стаж за право на пензија, им се овозможува да извршат докуп на стажот. Тие кои нема да извршат докуп на стаж и не се корисници на друга парична помош од државата, примаат државна социјална пензија. Ова се само некои од мерките со кои ќе го подобриме животниот стандард на граѓаните. Новата влада на СДСМ воведува систем што подава рака“, рече Ременски.