Екс министерката за труд и социјална политика Фросина Ременски, денеска даде изјава во Јавното обвинителство за случувањата на 27-ми минатиот месец во Собранието, за што смета дека е неуспешен обид за атентат врз претседателот на СДСМ, Зоран Заев.
Таа нагласи дека во истрагата е потребно да се стави акцент на инволвираноста на војската и полицијата во целиот случај.
Ременски апелираше до граѓаните и медиумите доколку се во можност да помогнат во пронаоѓањето на напаѓачите во Собранието.
На новинарското прашање дали таа ќе биде повторно министер за труд и социјална политика, Ременски не сакаше да коментира и рече дека сега откако е доделен мандатот, ќе разговараат и ќе се распределуваат министерските позиции.