Исто како и на првиот круг од претседателските избори, затвореникот З.Т. кој е осуден за случај кој е познат во јавноста, а казната ја издржува во прилепскиот затвор, повторно го нема на избирачкиот список и не може да го оствари своето право на глас. Според информациите на Цивил, затвореникот е во притвор веќе 2 години, од кои 8 месеци во прилепскиот затвор, а сепак, во избирачкиот список тој се води на домашната адреса.
„И поκρај тоа што си земаа обвρсκа надлежните да ја испρават гρешκата, тоа повторно не беше направено. Се вадеа деκа од нивна стρана се е стоρено . Лани гласав во истражниот затвор, а оваа година, споρед сопρугата, ме имало во избирачкиот списоκ во местото κаде што живеам“, вели З.Т.
Цивил констатира и недоследности при гласањето во штипскиот затвор, каде што, според нашите информации, на затворениците им е сугерирано за која политичка партија и за кој кандидат да гласаат. Според нашите информации, затворениците биле поткупувани да гласаат за одредена политичка партија, а како награда добивале сапун, две обланди и по два жилети за бричење.
Набљудувачот на Цивил денеска не беше пуштен да влезе во затворот во Штип, со образложение дека потребна е дозвола од Управата за извршување на санкции.
За првиот круг од претседателските избори, медиумите веќе информираа дека затворениците биле поткупувани со 100 грама кафе, сок и наполитанка.
