Регистриран случај на „морбили“ во ПТЦ Гевгелија

Од:

Епидемиолошката служба од Општата болница во Гевгелија денеска при редовниот увид во Прифатно транзитниот центар Гевгелија дијагностицира еден случај на заразно заболување „морбили“ по претходна пријава од лекарскиот тим кој дежура во бегалскиот камп.

Дијагнозата, информираа епидемиолозите, е нотирана кај едно тригодишно девојче од Авганистан кое е згрижено според медицинските стандарди за вакви случаи.

Од страна на епидемиолозите и инфектолозите, лекаркиот тим во ПТЦ Гевгелија доби насоки за понатамошни постапувања и превенција од појава на ширење на заразното заболување.

При денешниот увид беше констатирано дека генерално хигиената во ПТЦ се одржува редовно и оти се наоѓа на задоволително ниво, а беше извршена и дезинфекција на површина од 1.250 метри квадратни.

Моментно во ПТЦ Гевгелија има 100 мигранти, а во надворешниот предприемен шатор уште 153 кои успеале нелегално да ја минат границата и кои по извршената проверка од страна на МВР се враќаат во дивиот бегалски камп во Идомени каде се уште според слободна проценка има десетина илјади бегалци.

Би можело да ве интересира

Министерот Алиу апелира: Граѓаните да пријават евентуални неправилности во врска со кардиолошките интервенции

Министерство за здравство: Две комисии ја проверуваа Стоматолошката комора, одлуката е донесена врз база на факти

Зголемени температури во следните неколку дена – да се почитуваат општите препораки за заштита на здравјето

Медицинско лице фатено како прима поткуп, Министерството за здравство бара истрага и ги повикува граѓаните да пријавуваат вакви случаи

Владата одвои многу пари за модернизација на нашето здравство, вели министерот Азир Алиу

Министерот Кенеди отпушта 10.000 луѓе во здравството