По труењето со храна, инспекција во Пивара ја затворила мензата, а затворена е за работа и кујната на доставувачот „Парти Сервис“.
Eвидентиран и шести случај на труење, а неофицијално исти симптоми се јавиле и кај десет гости кои биле од соседна земја, кои конзумирале од храната во мензата на Пивара.
Според извори на „А1он“ се чекаат резултатите од земените мостри во кујната на доставувачот на храната, а дотогаш е затворена за работа.
По добиеното известување од Центарот за јавно здравје дека неколку работници во скопска фабрика за производство на пиво и сокови се затруле со храна, инспектори од Агенцијата за храна и ветеринарство (АХВ), Државниот санитарен и здравствен инспекторат и Центарот за јавно здравје извршија вонредна инспекциска контрола во мензата.
Причините за труењето ќе бидат утврдени со лабораториско испитување на земените мостри храна и брисевите, а резултатите од анализите ќе бидат познати за неколку дена.