ВМРО-ДПМНЕ реагира на пресот на Благој Бочварски од СДСМ. Следува интегралното соопштение.
СДСМ да знаеја да работат ќе работеа, но СДСМ и Благој Бочварски единствено што можат е да лажат и манипулираат.
Бочварски треба најпрвин да увиди каква е ситуација во општините каде што неговите партиски колеги се градоначалници.
Со денови граѓаните на општините Струмица и Куманово се соочуваат со непроодни улици и замрзнати тротоари.
Над 30 струмичани поради неичистените тротоари во Струмица и неодговорноста на градоначалникот во заминување се здобија со скршеници, додека пак улиците во Куманово изгледаа како скијачки патеки, а механизацијата која требаше да ги чисти улиците во Куманово беше завена од снегот.
Исто така го повикуваме неинформираниот Бочварски да ги посети улиците во Центарот на Скопје, бидејќи неговиот коалициски партнер Жерновски не е во можност да го исчисти снегот и мразот, зошто мрзливиот градоначалник на Центар неколку дена беше на одмор во луксузниот Боровец.
Граѓаните ваквата деструктивна политика на СДСМ 10-ти пат ја казнија на 11-ти декеври 2016 година.
Институциите во Република Македонија и општините предводени од ВМРО-ДПМНЕ изминативе недели навремено интервенираа и ги чистеа патиштата, коловозите и тротоарите.
ВМРО-ДПМНЕ и понатаму ќе продолжи да работи за доброто на граѓаните.