СДСМ во денешното соопштение до медиумите во врска со пресудите за случајот „Шпион“ прашува какви државни тајни оддале обвинетите за да им бидат изречени големи затворски казни.
– Ако навистина во судската постапка се докаже дека обвинетите во случајот „Шпион“ заслужиле над 70 години затвор, се поставува прашањето какви ли се државни тајни оддале, се вели во соопштението од СДСМ.
Од партијата прашуваат колку е нарушена безбедносната состојба во Македонија со тајните што ги издале инволвираните во овој случај.
– Изречените казни го отвораат прашањето за политичка одговорност за случајот „Шпион“ од сите во државата кои се повикани да ја штитат безбедноста на Република Македонија и нејзините граѓани, велат од СДСМ.
