„Градоначалникот Тони Трајковски со жителите на населеното место Камник како и со жителите на улица 5 и 6 во изминатиот период имаше неколку средби на лице место, на кои средби се разговараше за приоритетите и заеднички се планираа активностите. Жителите од овие две улици прво побараа да се реализира проектот за атмосферската канализација, а потоа да се асфалтираат истите. Како резултат на заеднички договорените активности, деновиве се започна со асфалтирање на улиците
Но, советниците од советничката група на СДСМ Гази Баба, наместо да помогнат во реализацијата на проектите на општината, прават опструкција и пред жителите од овие улици предлагаат несоодветни решенија, за наводно решавање на проблемот.
Само потсетување, „загрижените“ членови на Советот кога се гласаше Програмата каде што беа ставени улиците од населеното место Камник, и кога се гласаше за донесувањето на Буџетот на општината, гласаа ПРОТИВ, а сега презентираат дневна политика и како и на државно така и на локално ниво, продолжуваат да ги опструираат проектите, по можност и да ги стопираат, се со цел да направат умилкување на граѓаните и прибирање поени во период пред локалните избори.
Градоначалникот со цел да не бидат доведени во заблуда и манипулирани граѓаните, закажа средба со жителите од населеното место Камник за понеделник во 11ч., каде ќе бидат договорени понатамошните заеднички активности“, се вели во реакцијата на општина Гази Баба на пресот на СДСМ во Камник.
