Во врска со одржаната прес конференција на СДСМ, Министерството за здравство информира дека вакцините против сезонски грип не се обезбедуваат од буџетски средства на Министерството за здравство, туку постапката за набавка на истите ја спроведуваат Центрите за јавно здравје со сопствени средства.
Имајќи предвид дека вакцинацијата против сезонски грип не е задолжителна, туку е на доброволна основа, истата Центрите за јавно здравје ја пружаат како приватна здравствена услуга за која имаат формирано цена. Во цената за приватна здравствена услуга спаѓа не само цената на вакцината туку и сите дополнителни трошоци за установата. Ова е практика на Центрите за јавно здравје не само за вакцините против сезонски грип, туку и за други вакцини кои на доброволна основа се примаат во Центрите, како на пример вакцини против тропски болести за граѓани кои патуваат во овие краишта.
Инаку, цената на вакцината против сезонски грип е фиксна веќе години наназад и е подеднаква и во приватните и во јавните здравствени установи (во случајов, Центрите за јавно здравје).
Во однос на стручниот дел кој го споменува СДСМ, потенцираме дека според информации на Комисијата за заразни болести, оваа година и во европските земји и кај нас, вирусот на грип покажува повеќе невролошки компликации (менингит, енцефалит и др), се наведува во рекацијата на Министерството за здравство на пресот на СДСМ.