Во врска со пратката од над 1000 книги (920 нови и 250 стари) задржани на границата, каде како примач на донацијата се јавува Културно информативниот центар на Република Бугарија во Скопје, Царинската управа на својот профил на Фејсбук објави дека и покрај тоа што преку Министерството за надворешни работи на Република Северна Македонија, била побарана изјава дека пратката е наменета за Културно информативен центар, потребната изјава не била доставена ниту од Центарот, ниту од Бугарската амбасада во Скопје.
– Согласно Царинскиот закон предметите што се увезуваат, а имаат образовен, научен и културен карактер кои се увезуваат во некомерцијални цели и кои не се произведуваат во Република Северна Македонија се ослободени од плаќање на увозни давачки, наведува Царинската управа.
Управата посочува дека за да може да се оствари ова право, пропишани услови кои треба да бидат испoленти, а меѓу другото како што и самиот закон наведува да се од некомерцијална природа односно стоката да е наменета за подарок.
– Во конкретниот случај кон барањето за ослободување беше приложен договор за подарок кој е потпишан само од едната страна, т.е. од испраќачот на книгите, а не и од примачот што го прави договорот правно неважечки, посочува Царинската управа во објавата на Фејсбук.