Собранискиот спикер Талат Џафери за утре закажа продолжување на три собраниски седници. Првата од седниците е со само една точка на дневен ред – извештај за работата на Агенцијата за администрација за 2016.
На втората седница, која е закажана само дваесет минути подоцна, меѓу точките на дневен ред е и именувањето заменици на генералниот секретар на Собранието, а на третата седница една од точките за кои треба да се расправа е предлогот за разрешување на јавниот обвинител, Марко Зврлевски.
Според најавите на Џафери, не се исклучува можноста пратениците да имаат работен викенд за да ги завршат заостанатите обврски.