Осуминутниот разговор на централните вести на една национална телевизија со уфологот Стојмир Стојановски предизвика лавина подбивни коментари на социјалните мрежи, а и ја покрена креативноста на публиката.
Истатиот разговор со истиот уфолог, еден ден претходно беше на еден портал, но не предизвика никаква негативна реакација на публиката.
Коментарите на многумина се дека од многуте нерешени проблеми и апсурди што ја мачат земјава, токму недостасуваше уште разговорот за вонземјаните во Охрид и Штип.
Стојановски кажа дека Охрид и Охридско најчесто се посетувани од вонземски летала, Исарот кај Штип и локалитетот Јама кај Лазарополе.
Македонија била интересна за посети на вонземјаните како духовен центар, а за еден портал пак кажа дека првиот кој имал средби со вонземјаните бил Александар Македонски.
