Вчера вечер, во 23.50 часот на улицата „Илинденска“ во Битола, полициски службеници од СВР Битола го лишиле од слобода 29-годишниот Е.М. од Битола, информира МВР.
Тој се сомничи дека извршил кривично дело „тешка кражба“, предвидено и казниво по чл.236 од Кривичниот законик.
Како што соопшти МВР, кај него се пронајдени и одземени повеќе предмети кои потекнуваат од кривичното дело и се вратени на сопственикот.
Тој е приведен во полициска станица и против него ќе следува соодветен поднесок.
