„Екипите на Град Скопје деновиве целосно го расчистија просторот под скопското Кале кој до пред само неколку недели беше претворен во дива населба и дива депонија и претставуваше извор на аерозагадување, поради огновите што се палеа на отворено“, информираат од Градот.
Градот Скопје ги задолжил сопствениците да си го оградат местото и ги предупредил дека во иднина тие се одговорни да ја одржуваат хигиената на парцелата.
„Градот Скопје најавува засилени контроли и ригорозни казни за оние што ќе дозволат на своите парцели да се трупа ѓубре и да се создаваат диви депонии кои ја загадуваат и нагрдуваат животната средина и го загрозуваат здравјето на граѓаните“, се вели во соопштението.
