Ранет возач на „Порше“ што превезувал мигранти и се обидел да прегази полицајци

Од:

Две лица се ранети при инцидент утрово на крстосницата на патот меѓу битолските села Кравари и Оптичари, кога возач на автомобил „Порше“ со скопски регистарски таблички не застанал на наредба од полицајци и се обидел да ги прегази, по што тие испукале неколку истрели кон возилото, соопшти МВР.

Настанот се случил утрово околу 6 часот, кога поради основано сомнение дека се превезуваат мигранти, полицајците од станицата Меџитлија се обиделе да го сопрат „Поршето“,но возачот дал гас и се обидел да ги прегази, а во тој момент тие пукале кон автомобилот.

Набргу возилото запрело во близина на бензинска пумпа на влез во Битола, а во него бил затекнат возачот Ш.С., кој се здобил со две прострелни рани во нозете, додека во непосредна близина бил пронајден и еден мигрант со прострелна рана во ногата.

Повредените лица се пренесени во Клиничка болница Битола за укажување на лекарска помош. Се преземаат мерки за расчистување на случајот, велат од МВР.

Би можело да ве интересира

Напуштено бебе најдено на аеродром во Катар – властите симнале 13 Австралијанки од авион, барајќи ја мајката

Жарко Настоски

ВИДЕО: Руски ММА-борач брутално изрешетан во кафеана среде бел ден

Жарко Настоски

„Шпигел“: Фронтекс вмешан во незаконско враќање мигранти во Егејот

А1он

Крвава пресметка меѓу две фамилии во скопско Кондово

Жарко Настоски

Лице од Велешта тешко повредено од соселани

Ана Ололовска

МВР поведе постапка за полицаецот кој не реагирал на пријава за насилство во случајот со фемицид во Гостивар

Ана Ололовска