Имавме значајна средба и консултации со премиерот. Нашите предлози и насоки кои ги дадовме денеска во најголем дел се прифатливи, тие ќе ги разгледаат и додадат во нацрт-амандманите. Но, тие пред да бидат испратени ќе бидат доставени до нас, рече по средбата со премиерот Заев, пратеникот Зеќир Рамчиловиќ.
https://www.youtube.com/watch?v=PBI0HQhulM
– Во другиот дел од состанокот се разговараше и за координативно тело за национално помирување. Со премиерот констатиравме дека тоа е најдобро нешто за обединување. Деновиве ќе испратиме барање до Џафери за негово формирање. Секоја иницијатива е добредојдена, за координативното тело сите предлози се добредојдени и со тоа да се дадат најдобри решенија, рече Рамчиловиќ.
Тој рече дека ќе работат транспарентно и оти сите ќе бидат поканети.
– Во самата пратеничка група е неколку пати споменато дека пратениците не прекршиле ниту една одлука на ВМРО-ДПМНЕ. Не сме одлучиле кој ќе биде координатор на пратеничката група, тоа ќе се знае во текот на денот, рече Рамчиловиќ.
Според него со отворањето на амандманската расправа, се почиитува волјата на македонскиот народ.
Референдумот заврши како што заврши. Како здружение АВАЗ, остануваме на ставот дека не е успешен референдумот, но волјата на македонскиот народ и пратениците е отворање на Уставот. Ова е единствениот начин за Македонија да оди напред без разлика колку пропусти има договорот.
Кристијан Ландов