Раководството на Косово го осуди насилството во македонското Собрание

Од:

Косовскиот претседател Хашим Тачи напиша на Фејсбук дека Охридскиот договор е вистинска рамка за обезбедување демократско функционирање на Македонија, пренесува Танјуг.

– Ги следам со загриженост случувањата во Република Македонија. Го поздравувам изборот на новиот претседател на македонското Собрание, господинот Талат Џафери, и апелирам сите да се воздржат од насилни дејствија, напиша Тачи.

Истовремено, претседателот на косовскиот Парламент, Кадри Весељи, исто така, го осуди насилството во Скопје и инсистира политичкото раководство во земјата да ги одржи мирот и стабилноста.

– Во интерес на сите луѓе во регионот е да се одржи стабилноста и кризите да се решаваат со политички средства, напиша Весељи на Фејсбук.

Косовското Министерство за надворешни работи во своето соопштение наведува дека внимателно ја следи ситуацијата во Македонија и смета дека насилството врз пратениците е неприфатливо и недемократско.

Движењето „Самоопределување“ во своето соопштение пишува дека насилството во македонското Собрание е извршено со премолчена согласност од полицијата. Партијата соопшти дека се надева оти моменталната ситуација во Скопје нема да прерасне во државен удар или цивилен судир.

Би можело да ве интересира

30 повредени откако автобус од Косово удри во камион на автопат во Германија

13 кандидати за претседател на ДКСК

Собранието одлучи измените и дополнувањата на Изборниот законик да се носат во скратена постапка

Катерина Ѓуровски

Фатон Сељами предложен за нов Народен правобранител

Собранието ја прифати интерпелацијата за државниот обвинител Коцевски

Катерина Ѓуровски

На 29 јули интерпелација за републичкиот јавен обвинител – Љупчо Коцевски

А1он