Директорот на истражниот затвор во Шутка, Есад Рахиќ за „А1он“ вели дека состојбата внатре во затворот е мирна. Според него, луѓето се свесни дека владее пандемија, а детали за починатиот притвореник и мерките кои се преземаат ќе соопшти во понеделник.
„Во затворот состојбата е мирна. Луѓето се свесни. Се сè одвива редовно, односно работите течат вообичаено. Нема никаков проблем. Комуникацијата со ресорното министерство и надлежните институции исто така е во тек. Во понеделник ќе излеземе со сите информации“, посочи Рахиќ.
Инаку, министерот за здравство, Венко Филипче на последната прес-конференција посочи дека притвореник починал од срцев удар во затворот, за по извршената обдукција, да биде утврдено дека тој е позитивен на коронавирусот.
„Тој немал симптоми, немал температура, но на обдукцијата е позитивен на вирусот и сега се прават епидемиолошки анкети на сите што биле во близок контакт со него“, рече Филипче.