Рафис Алити, пратеник на ДУИ, собира пратенички потписи за да поднесе Иницијатива за да може да се отповика Одлуката за распуштање на Собранието на 24. февруари.
Оваа иницијатива засега ја подржаа 18 пратеници од ДУИ, но потребни се уште двајца потписници.
Пратениците од ВМРО-ДПМНЕ се без коментар. Последниот став е дека според нив има услови за одржување на избори во датумот кој е договорен во Пржино, а тоа е 24.април.
СДСМ веќе изјавија дека нема да се потпишат на иницијативата и нема да ја гласаат доколку во неа е наведен датум за одржување на предвремнени избори.
За повлекување на одлуката за распуштање на Собранието, треба да гласаат најмалку 62 пратеници.
За пролонгирање на терминот од 24. април е потребно и менување на Изборниот законик.