Радев: Заштитата на воздушниот простор на Северна Македонија е национален долг на Бугарија

Од:

Бугарија не треба да ја пропушти историската можност да го штити воздушниот простор на Република Северна Македонија, изјави денеска бугарскиот претседател Румен Радев во Софија, пред заминувањето за Лондон каде учествува на Самитот на земјите членки на НАТО.

– Тоа не е само наш национален интерес, туку и долг кон братската Република Северна Македонија и израз на одговорност, нагласи Радев.

Тој истакна дека додека разговорите за заштитата на воздушниот простор на земјава биле одлагани од бугарска страна во очекување на „светлата иднина“ кога Бугарија ќе има ескадрила нови авиони, Грција склучи договор за спроведување на таква мисија, пренесува БГНЕС.

Радев потсети дека изминатиов период беше постигнат договор за средба на министрите за одбрана и началниците на генералштабовите на Северна Македонија, Бугарија и Грција, посветена на вклучувањето на бугарското Воено воздухопловство во заштитата на воздушниот простор на земјава.

– Со денешните потенцијали можеме во целост да ја исполниме таа задача без никакви дополнителни трошоци, бидејќи може да се спроведе од базата Граф Игнатиево, додаде Радев.

Би можело да ве интересира

Бајден за потегот што го загрижи Кремљ: НАТО стигна до границите на Русија

Лавров: НАТО им нанесе голема штета на соседните земји

Брод за транспорт на гас потона во Црно Море, во тек е потрага по преживеани – седум бродови потонаа за шест недели

Романија предупредува на влошување на безбедносната состојба во Црното Море, бара поголема поддршка од ЕУ и НАТО

Финска го отфрли наводното руско барање за напуштање на НАТО

Москва не се откажува од барањата од 2021 година: НАТО да се врати на границите од 1997 година