Радев и Петков му потврдиле на Макрон дека го прифаќаат предлогот кој попладнево пристигна во Скопје

Од:

Францускиот претседател Емануел Макрон добил потврда од претседателот на Бугарија, Румен Радев и од премиерот во оставка, Кирил Петков дека го прифаќаат предлогот кој попладнево пристигна во Скопје.

За време на прес-конференцијата на самитот на НАТО во Мадрид, Макрон изрази надеж дека „разгледувањето на предлогот од двете страни во наредните денови ќе го потврди“ фактот дека предлогот се однесува на сите чувствителни прашања за двете страни, пренесе БГНЕС.

„Уште од овој момент претседателот и премиерот на Бугарија потврдија дека го прифаќаат предлогот. За усвојувањето ќе бидат потребни консултации во Скопје. Оваа одлука носи предвидливост и сигурност за надминување на споровите наследени од минатото“, изјави францускиот претседател Емануел Макрон додавајќи верува оти е најдено компромисно решение за преговарачката рамка за членство на Северна Македонија во Европската унија, во која е вклучена и Бугарија.

Македонската влада денеска соопшти дека официјално го добила текстот на францускиот предлог, кој Скопје го гледа како можност да се отвори широк процес на консултации прво на ниво на влада и коалициски партнери, а подоцна и со претседателот на државата, парламентот, опозицијата и граѓанскиот сектор, експертите и пошироката јавност.

„Сакаме да му се заблагодариме на претседателот Макрон и на француското претседателство за нивните напори да се надминат пречките и да се одржи европската доверба на Балканот“, се вели во соопштението на владата.

Би можело да ве интересира

Макрон: Иднината на Украина не може да се одлучува без Украинците

А1он

Трамп сака да го понижи Макрон: Изјавата дека ќе ја признае Палестина нема тежина

ВИДЕО: Франција ќе ја признае Палестина, жестока реакција од Израел и САД

Тужба за американска инфлуенсерка, тврди дека „Брижит Макрон е маж“

А1он

Екс премиерот на Бугарија – Кирил Петков не е веќе пратеник, си поднесе оставка

А1он

Цел мандат ли ќе барате подобра преговарачка позиција: Како „модерни“ Македонци не влегуваме во ЕУ – Филипче и Мицкоски за евроинтеграциите