На страната Quick fix politix, објавени се, како потсетник, 50 настани кои што се случија во времето на владеење на ВМРО-ДПМНЕ.
Еве што, меѓу другото не смее да се заборави:
- Не заборавај дека Гордана Јанкуловска не поднесе оставка кога до смрт беше претепан Мартин Нешковски
- Не заборавај дека Иво Котевски и МВР пробаа да го прикријат убиството на Мартин Нешковски
- Не заборавај дека она што ДПМНЕ го нарекуваат странски директни инвестиции се всушност работни кампови субвенционирани од државата
- Не заборавај на окупацијата на медиумскиот простор
- Не заборавај на затворањето на Кежаровски
- Не заборај ја смртта на Никола Младенов
- Не заборавај го судењето на новинари поради “нанесената душевна болка” на политичари
- Не заборавај го тепањето на активистите од Плоштад Слобода
- Не заборавај на патните трошоци на Бонева air
- Не заборавај ги сите млади луѓе кои се одселија од Македонија за да можат да најдат работа и да живеат пристоен живот, а чиви работни позиции беа пополнети од партиски плакатолепачи
- И не заборавај на болката на родителите чии деца живеат на друг континент
- Не заборавај ги сите пари потрошени на капмањи кои директно се мешаат во нашата матка
- Не заборавај го именувањето на лица за министерска позиција кои завчера излегле од градинка
- Не заборавај го државниот рекет кој е насловен како закон за хонорари
- Не заборавај на неспособноста да се направи попис
- Не заборавај го Пустец
- Не заборавај ги трите изборни круга и покрај тоа што вољата на народот “Жерновски повеќе од Тодоровиќ” беше јасно изразена
- Не заборавај на дебаклот со МАНУ
- Не заборавај го учебникот по граѓанско кој не учи на послушност
- Не заборавај ги лошите реформи во средното образование кои се користат за пресметка со професорите – неистомисленици
- Не заборавај ги уште полошите реформи во високото образование кои повторно се користат за пресметка со професорите – неистомисленици
- Не заборавај го намалувањето на квалитетот на високото образование преку вработување на партиски плакатолепачи како академски кадар
- Не заборавај како високи и ниски функционери и плакатолепачи на ДПМНЕ “завршија” факултет
- Не заборавај дека Латас е доктор на науки, а Урко магистер
- Не заборавај го етикетирањето и демонизирањето на сите неистомислениците
- Не заборавај го организирањето на сите контра-протести
- Не заборавај на намерата за силување на Охрид со Субрата Рој како главна порно улога
- Не заборавај дека македонските работодавачи се ставени во понеповолна позиција во однос на странските инвеститори
- Не заборавај го милиончето на Ивона Талевска
- Не заборавај го А4 форматот на Миле Јанакиевски
- Не заборавај дека немаше оставка после давењето на бугарските туристи
- Не заборавај ги сите испади на Хорхе и ноншалантното потпишување на закони
- Не заборавај на исфрлањето на опозицијата од парламент на 24-ти декември
- Не заборавај на малечката Тамара и уште повеќе непонесувањето на одговорност на одговорните
- Не заборавај на Скопје 2014 и целиот барок-шут
- Не заборавај како се мобилизираа сите луѓе со price tag на достоинството да ги бранат криминалците, како Латас, Мирка, Јанко, Боцевски, Каракамишева, Миленко, Сарма, Влајко итн.
- Не заборавај како преку ноќ Васко Наумоски стана професор на Правен Факултет
- Не заборавај на легалниот рекет кој се спроведува преку УЈП. Народната е “мора да ги најдеме грешка, еве ќе ја пишеме помалата”
- Не заборавај на националистичкиот дискурс
- Не заборавај на изедначувањето на државата со партијата
- Не заборавај на сите “испитувања на јавното мислење” од Павел Шатев
- Не заборавај на огромната јавна администрација и кој се тоа се вработува таму
- Не заборавај на “15 гласачи на список”
- Не заборавај ги сите кои трпеле закани за да не излегуваат на граѓански протести
- Не заборавај на селективната правда, селективната примена на законите, кршењето на Уставот и непочитувањето на презумцијата на невиност
- Не заборавај на оние граѓани кои се вработиле за време на Југославија на свои 19 години и на кои постојано им е зголемена законската граница за стекнување со право на пензија. Овие луѓе едвај имаат душа да се движат, но мора да работат за да има администрацијата од каде да зема плата
- Не заборавај на тенденциозното дезинформирање, спинување и оглупување на народот со емисиите, вестите и сериите кои се емитуваат на медиумите на ДПМНЕ
- Не заборавај го игнорантскиот однос на владата кон вољата на народот
- Не заборавај го криминалот за кој сеуште не сме ни свесни дека постоел, но сме го чувствувале кога драматично го намалувал квалитетот на нашиот живот
- Не дозволувај за 3 дена да се заборават прислушувањата