Путин потврди дека со Порошенко утврдиле план за решавање на ситуацијата во Украина

Од:

Рускиот претседател Владимир Путин изјави дека денеска со неговиот укрински колега Петро Порошенко разговарале телефонски и утврдиле план за решавање на ситуацијата во Украина.

– Планот се состои од седум точки, истакна Путин за време на својата посета на Монголија.

Рускиот претседател увери дека е на многу блиски позиции со Порошенко за тоа како да се реши конфликтот во Украина.

– Со цел да прекинат крвопролевањата и стабилизирање на ситуацијата во југоисточниот дел на Украина, сметам дека двете страни треба итно да се согласат и координирано да ги спроведат идните дејствија, потенцира Путин.

Тој додаде дека украинските власти и проруските сили во источниот дел на земјата можат до петок да постигнат конечен договор по ова прашање, во рамки на Контакт групата.

Путин ја повика украинската армија да ја прекине операцијата против сепаратистите, а бунтовниците да го запрат своето насилство во областите Доњецк и Луганск. Меѓу другите чекори за решавање на конфликтот се размена на заробеници, воспоставување хуманитарен коридор за бегалците и испорака на хуманитарна помош.

– Една од предложените мерки предвидува целосна и објективна меѓународна контрола за почитување на условите за прекин на огнот и мониторинг на ситуацијата во безбедносната зона, која ќе биде создадена, нагласи шефот на руската држава.

Би можело да ве интересира

Орбан: Киев не може да им каже на Унгарците што да мислат

Горан Наумовски

Русија регрутираше 210.000 војници – наредено е создавање „тампон зона“

Горан Наумовски

Песков: Се ближи крајот на специјалната воена операција во Украина

Путин: Врските меѓу Русија и Белорусија се силни и покрај надворешните притисоци

Данска најави целосна поддршка за членството на Украина во ЕУ

Јермак: НАТО треба да инвестира во воено-индустрискиот комплекс на Украина